Öryggið í fyrirrúmi !

Ég skrapp til íslands í síðustu viku eins og sumir vita. Ég náði ekki að hitta alla sem mig langaði að hitta eins og alltaf en helvíti fín ferð samt. Þar sem ég hef alltaf nóg að gera í skólanum tók ég skólatöskuna mína með til að vinna í nokkrum verkefnum í fríinu. Ég var með "lapptoppinn" minn í töskunni og tók hana því í handfarangur. Ég var líka með pennaveskið í töskunni og í því er ég með þennan hníf sem sést hér fyrir ofan á myndinni. Bæði til og frá Íslandi (fyrst á Kastrup og svo í Leifstöð) var tölvunni rennt sér í gegn og taskan gegnumlýst og skoðuð . . án athugasemda. Ef ég væri liðsmaður Al-Qaeda hefði ég allt eins getað smellt mér fram í cockpit og "slæsað" flugmennina frá eyra til eyra. Gaman að vita af því.
Annars eru sprengjur og flugrán orðin hallærisleg hryðjuverk í dag . . nýjasta týska er að stofna banka og fara svo á hausinn . . það verða Arababankar útum allt eftir smá . . mark my words !